Táragasi skotið að munkum í Tíbet

Kínverska lögreglan notaði táragas til að leysa upp hundruð Búddamunka sem mótmældu nálægt höfuðborg Tibet í gær. Samkvæmt fréttum Free Asia útvarpsstöðvarinnar sem er styrkt af bandarísku ríkisstjórninni umkringdu öryggisverðir um 500 munka í gær þegar þeir gengu nálægt lögreglustöðinni í Lhasa. Vitni sagði útvarpsstöðinni að um tvö þúsund vopnaðir lögreglumenn í mismunandi einkennisbúningum hefðu verið á staðnum og skotið táragasi að fólkinu.

Mómæli munka í Tíbet eru fremur fátíð. Á mánudag voru 49 ár frá misheppnaðri uppreisn gegn 57 ára yfirráðum Kína yfir Tíbet. Hún hrakti Dalai Lama í útlegð. Af því tilefni skipulögðu munknarnir tvær mórmælaaðgerðir í Lhasa og hrópuðu „Frelsið Tíbet" þar til lögregla dró hópana í sundur og handtók suma. Free Asia útvarpsstöðin sagði að byssuskot hefðu heyrst um nótt frá munkaklaustri í Lhasa sem hafði verið lokað af lögreglu.

Í dag kröfðust munkarnir lausnar annara munka sem teknir voru höndum í mótmælum á mánudag. Samkvæmt heimildum vitna útvarpsstöðvarinnar kölluðu þeir „Við viljum frjálst Tíbet" og „Frelsið fólkið okkar eða við förum ekki."