Sagður hætta vegna ágreinings um Íran

Yfirmaður herja Bandaríkjanna í Miðausturlöndum, þar á meðal Írak og Afganistan, William Fallon aðmíráll, lét í dag af embætti fyrr en áætlað var.

Ástæðuna segir hann vera ,,neyðarlegar aðstæður og það mat almennings að skoðanamunur sé hjá mér og stefnu stjórnvalda." Fjallað var um það í tímaritinu Esquire á dögunum að Fallon væri helsti andstæðingur þess að beita Írana hervaldi í tengslum við kjarnorkudeilu Vesturveldanna við landið.

Robert Gates, varnarmálaráðherra Bandaríkjanna, sagði Fallon hafa tekið rétta ákvörðun en hann hafði áður vísað frétt Esquire á bug sem tómu bulli. Afsögn Fallons í dag styrkir hins vegar töluvert fréttina að mati fréttskýrenda. Einnig vísað er til þess að Bush-stjórninni hafi lítt líkað þær yfirlýsingar Fallons á sjónvarpsstöðinni al Jazeera í fyrra að hann byggist ekki við stríði við Írana.

Fallon tók við sem yfirmaður herafla Bandaríkjanna í Miðausturlöndum í fyrra.