Cheryl Cole bannar kynlíf næsta hálfa árið

Cheryl Cole hefur sett eiginmanninn, hinn fláráða Ashley Cole, í kynlífsstraff til sex mánaða. Þessu segist Sun dagblaðið, sem greindi á dögunu fyrst frá framhjáhaldi Ashley, hafa áreiðanlegar heimildir fyrir.

Söngkonan ákvað fyrir skemmstu að gefa eiginmanninum annan séns, eftir að slúðurpressan birti fréttir þess efnis að hann hefði ítrekað haldið framhjá henni frá því að þau giftust fyrir tæpum tveimur árum.

Nú vill hún þó að hann læri að meta hana sem manneskju, og hefur því sett blátt bann við öllu kynlífi á heimilinu næsta hálfa árið, eða þar til þau endurnýja hjúskaparheitin í sumar. Heimildamaður blaðsins segir að Ashley fái þar annað tækifæri til að fara eftir heitunum, en það hefur gengið illa hingað til.