Biggi í Maus og Bubbi í hár saman

Bubbi Morthens heldur áfram að skrifa um menn og málefni á vefnum bubbi.is. Í síðasti innleggi sínu skýtur hann föstum skotum að Birgi Erni Steinarssyni, sem kenndur er við Maus en ritstýrir nú tónlistartímaritinu Mónitor.

Í síðasta tölublaði Mónitor skrifaði Birgir nefnilega pistil um Bubba og sagði meðal annars: "Bubbi hefur alltaf fylgt eftir því sem er í gangi í samfélaginu, en hefur aldrei verið leiðandi afl. Hann er eins og svampur sem sýgur umhverfi sitt inn og mótar sig og skoðanir sínar eftir því hvað er í gangi hverju sinni. Hann er símtalið sem þú færð eftir að þú ert búinn að meika það á þínum eigin forsendum.

Bubbi skrifar á síðu sína að Birgir sé að reyna að breyta íslenskri tónlistarsögu: Frábið ég mér fleiri tilraunir til þess að falsa söguna frá manni sem hefur aldrei geta haldið lagi og hefur unnið sér það til frægðar að syngja falskast allra íslenskra tónlistarmanna á seinni tímum. Sá falski tónn hrakti hann frá míkrafóninum í það að gerast ritstjóri Monitors þar sem sami falski tónninn hljómar í skrifum hans.

Birgir brást svo við skrifum Bubba á heimsíðu Moitor í dag og sagði:

"Hvað árásir á söngrödd mína varðar, þá er honum Guðs blessunarlega leyfilegt að hafa sína skoðun á henni. Það ónáðar mig ekki neitt, og ég mun halda áfram að syngja þrátt fyrir hvað honum finnst. Enda sótti ég ekki um aðild að Bandinu hans Bubba."

Innlegg Bubba má lesa hér

Pistil Birgis og svar má lesa hér