Brúðkaups- og kattasýningar um helgina

Undirbúningur fyrir brúðkaupsveislur sumarsins er sjálfsagt kominn vel af stað enda komið fram í mars. Þetta vita sýningarhaldarar og nú er komið að hinni árvissu brúðkaupssýningu Já. Sýningin verður opnuð í Blómavali í Skútuvogi í dag klukkan eitt.

Meðal skemmtiatriða er hljómsveitin Konfekt og Bergþór Pálsson með kynningu á borðsiðum.

Þeir sem ekki vilja skoða skreytingar fyrir brúðkaup geta þá skroppið á sýningu hjá Kattaræktarfélagi Íslands sem verður nú um helgina í Reiðhöll Gusts í Kópavogi. Sýningin verður opin frá tíu til hálf sex í dag og á morgun.