Harry Potter hótað lífláti

Fjórir sérsveitarmenn gæta nú Harry Potter stjörnunnar Daniel Radcliffe öllum stundum, eftir að æstur aðdáandi hótaði honum lífláti. Við tökur á nýjustu Harry Potter myndinni á laugardag þurfti hann að skipta þrisvar sinnum um bíl til að villa um fyrir mögulegum misyndismönnum.

Hótunin bars Warner Bros kvikmyndaverinu, en þeir hafa ekki viljað gefa upp hvers eðlis hún er. Samkvæmt heimildum Sun taka framleiðendur myndarinnar hótanir af þessu tagi afar alvarlega, og hefur öll öryggisgæsla verið aukin til muna. Öryggisgæslan kringum Radcliffe er víst svipuð og sú sem prinsarnir Vilhjálmur og Harry fá þegar þeir eru ekki að sinna herskyldum sínum.