Jordan vill bleika einkaþotu

Glamúrmódelið Jordan er um þessar mundir að versla sér einkaþotu til að ferja fjölskylduna. Þotan er af gerðinni Hawker 900 og kostar 4,5 milljónir punda, eða tæpar sex hundruð milljónir íslenskra króna.

Jordan mun þó henda nokkrum milljónum í viðbót í endurbætur á vélinni. Hún hyggst mála hana bleika, og klæða sætin með samlitu efni.

Með kaupunum vonast Jordan til að ná niður svimandi háum kostnaði fjölskyldunnar vegna ferðalaga. Henni reiknaðist svo til að tíðar ferðir með eiginmann, börn og barnfóstrur til heimilisins á Kýpur og annarra áfangastaða myndu kosta sig um 150 þúsund pund á þessu ári.

Til að draga úr kostnaðinum við kaupin ætlar Jordan að leigja vélina út þegar hún er ekki að nota hana, og er að íhuga að læra að fljúga henni sjálf.