Dæmdu disk án þess að hafa hlustað á hann

Bandaríska útgáfan af tímarítinu Maxim hefur beðist afsökunar á lélegum dómi um nýja disk Black Crowes. Blaðið gaf disknum tvær og hálfa stjörnu af fimm mögulegum án þess að hafa hlustað á diskinn.

Umboðsmaður hljómsveitarinnar segir þetta mál vera hneisa og vanvirðing við listir, blaðamennsku og almenning.

Ritstjóri Maxims sagði í tilkynningu um málið að vinnuregla blaðsins væri að sú að meta ekki geisladiska án þess að hlusta á þá í heild sinni. Hann harmar að þessari reglu hafi ekki verið fylgt eftir og biður lesendur sína afsökunar.

Warpaint er fyrsti geisladiskur hljómsveitarinnar Black Crowes í sjö ár og kemur út í Bandaríkjunum í byrjun mars.