Pamela sækir um skilnað

Pamela Anderson hefur sótt um að hjónaband hennar og Ricks Solomon verði ógilt. Parið, sem giftist í byrjun október eftir tveggja vikna samband, hefur unnið í því frá því í desember að bjarga hjónabandinu. Í málsgögnum er ástæða ógildingarinnar sögð vera svik.

Pamela sótti fyrst um skilnað í desember og bar við óleysanlegum ágreiningi. Pamelu var þó ekki lengi að snúast hugur, en nokkrum dögum síðar skrifaði hún bloggfærslu þar sem hún sagði að þau hjónakornin væru að reyna að leysa úr málunum.

Skömmu eftir giftinguna fór Pamela í viðtal hjá Ellen DeGeneres þar sem hún lýsti því hvernig hún féll fyrir Rick. Þau höfðu spilað póker sem endaði með því að hún skuldaði honum 250 þúsund dollara, eða tæpar sautján milljónir króna. Hún komst hjá því að borga skuldina með því að gera samning við Rick. „Ég borgaði pókerskuldina með kynlífi, og varð ástfangin," sagði Pamela. „Þetta var svo rómantískt!"