Naomi Campell fór í bráðaaðgerð

Breska ofurfyrirsætan Naomi Campell er nú óðum að ná sér eftir bráðaaðgerð á maga. Aðgerðin var gerð á Sirio-Libanes spítalanum í Sao Paulo um helgina. Campell var lögð inn á spítalann á sunnudag og gekkst hún undir aðgerð á mánudagsnóttina, að sögn Dr. Jose Aristodemo, læknis sem meðhöndlaði hana. „Ég hef ekki heimild til að greina frá því hvað amaði að Campell né hversu alvarlegt ástand hennar var. En ég get þó sagt að ég gerði aðgerð á henni í gær og hún er nú fullkomlega heil," sagði Pinotti. Campell ferðast oft til Brasilíu og tekur jafnan þátt í karnívalhátíðum þar.