Paris leitar að nýjum vinum

Leik- söng- og allt múlíg konan Paris Hilton byrjar með nýjan raunveruleikaþátt á næstunni. Þátturinn fjallar um leit hennar að nýjum besta vini, og verður líklega sýndur á MTV, eða VH1 sjónvarpsstöðvunum.

Heimildamaður Us tímaritsins segir að Paris sé orðin leið á gerfivináttu og vandræðagemsum. Hún vilji því finna sér nýjan vin, sem er vinsæll og hún getur treyst.

Þetta verður annar raunveruleikaþátturinn sem Paris tekur þátt í, en hún var með þáttinn Simple Life með vinkonu sinni Nicole Richie frá árinu 2003-2007.