Britney hitti börnin í gær

Söngkonan Britney Spears fékk loksins að eyða tíma með börnum sínum í gær. Börnin tvö sem hún á með Kevin Federline komu í heimsókn til hennar og voru hjá móður sinni í þrjá tíma. Federline fer með forræðið yfir börnunum en það hefur hann gert að fullu síðan í síðasta mánuði þegar Britney virtist missa öll tök sínu lífi.

Það virðist ekki hafa verið vandræðalaust að skipuleggja þessa heimsókn því auk Britney og barnanna var þar viðstaddur fulltrúi dómarans sem fer með forræðismál Spears og Federline, lífvörður Federline, lögmaður hans og loks sálfræðingur sem sem falið hefur verið að fylgjast með Britney og samskiptum sínum við börnin.

Þetta er í fyrsta skiptið sem Britney hittir börnin sín síðan hún hélt öðru þeirra í hálfgerðri gíslingu inn á baðherbergi þegar heilbrigðisyfirvöld í Los Angeles ætluðu að koma og sækja hana

Það var Jamie, faðir Britney, sem skipulagði heimsóknina en hann hefur tekið líf Britney traustum tökum síðan hún missti stjórn á sínum málum í síðasta mánuði.