Barði ætlar til Serbíu

Barði Jóhannsson, höfundur lagsins Ho Ho Ho We Say Hey Hey Hey, blæs á raddir þess efnis að hann ætli ekki til Serbíu með Merzedes Club flokknum, verði lagið útnefnd framlag Íslands í Eurovision. Illar tungur hafa undanfarna daga gefið það í skyn að Barða sé ekki alvara með laginu og muni ekki vinna að framgöngu þess í Serbíu.

"Að sjálfsögðu fylgi ég Ho Ho Ho We Say Hey Hey Hey til Serbíu. Hef

ég einhvern tíman sagt eitthvað annað?," spyr Barði.

Honum finnst út í hött að bera Merzedes Club saman við Silvíu Nótt eins og sumir hafa gert.

"Svo er fólk að líkja Merzedes Club við Silvíu nótt. Ég hef ekki hugmynd hvaðan sú samlíking er komin. Hún var leikkona í búning. Í Merzedes Club koma menn til dyranna eins og þeir eru klæddir og þurfa ekkert að skýla sér á bak við búninga. Þau eru ekki að þykjast vera önnur en þau eru, þetta eru það miklir karakterar sem einstaklingar."

Það vakti nokkra athygli þegar Barði ákvað að Merzedes Club mundir ekki notast ekki við bakraddir eing og búist var við. Barði segir að það hafi verið auðveld ákvörðun.

"Mér finnst aðdáunarvert hvað hópurinn hefur lagt mikið á sig við söngæfingar, píanó nám og hrynæfingar. Þetta er hópur fólks sem á það sameiginlegt að vera gríðarlega hresst, brúnt, duglegt og hæfileikaríkt. Þau eru búin að vera ötul að æfa sig og hafa náð mikilli leikni í söng, því ákvað ég að sleppa aukabakröddunum sem okkur var boðið að nýta. Það skemmtilega við þessa léttari tónlist er að allir geta sungið brosandi með," segir Barði Jóhannsson