Heather Mills ein kynþokkafyllsta kona heims

Heather Mills rakar inn atkvæðum í kosningu FHM tímaritsins um kynþokkafyllstu konu heims. Síðan að fjölmiðlasirkusinn í kringum skilnað hennar og Pauls McCartneys hófst hefur hún fengið um 1000 atkvæði á dag, á móti um fimmtán áður.

Talið er að nýfengnar vinsældir Mills tengist skilnaðinum beint. „Lesendur okkar hafa áttað sig á því að hún er um það bil að verða ríkasta einhleypa kona í heimi" sagði Chris Bell ritstjóri tímaritsins í viðtali við Sun.

Mills situr nú í 95. sæti listans, ofar en Gwen Stefani, Paris Hilton, og Kirsten Dunst.