Dómari í Díönu-rannsókn varar við lítilsvirðingu

Dómarinn yfir réttarrannsókninni á dauða Díönu prinsessu hefur varað þá sem fjalla um málið við að lítilsvirða ekki réttinn. Mikill áhugi er á málinu á alþjóðavísu auk þess eru raddir um að hætta við rannsóknina að verða háværari. Það á sérstaklega við eftir umfjöllun um vitnisburð Mohamed Al Fayed faðir Dodi ástmanns prinsessunnar, og Sir Richard Dearlove fyrrverandi yfirmanns bresku leyniþjónustunnar MI6.

Lord Scott Baker sagði við Lundúnarréttinn í dag að rannsóknin sé ætluð fyrir kviðdóm sem muni heyra af sönnunargögnum, vitnisburði og engu öðru. Ummæli utan réttarins væru oft takmörkuð og gætu leitt til lítilsvirðingar við réttinn. Það gæti orðið til þess að hætta yrði rannsókninni.

„Ég hvet til mikillar varkárni og að ekkert sé sagt, skrifað eða birt sem geti haft áhrif á kviðdóminn," sagði hann.