Groundhog day Spears hinnar nærbuxnalausu

Í kvikmyndinni Groundhog day vaknaði persóna Bills Murray og lenti í sömu samtölunum og atburðunum dag, eftir dag, eftir dag.

Britney Spears sér okkur hinum fyrir sömu upplifun.

Enn ein myndin af söngkonunni náðist í gær þar sem hún stígur heldur óheppilega út úr bíl. Í stuttum kjól, og að því er virðist algerlega án hugmyndar um það að hún gleymdi að fara í nærfötin.

Í þetta sinn var hún þó að vinna í öðru krónísku vandamáli sínu, en hún var á leið inn á hárgreiðslustofu að láta lagfæra hárlengingarnar.