Oswald og Ruby ræddu saman fyrir morðið á Kennedy

Yfirvöld í Dallas Texas hafa gert opinbert minnisblað sem á er ritað samtal milli Lee Harvey Oswald meints morðingja John F. Kennedy forseta og Jack Ruby sem síðar skaut Oswald til bana. Minnisblaðið fannst í hirslum dómshússins í borginni.

Samkvæmt minnisblaðinu átti samtal þeirra tveggja sér stað um mánuði áður en Oswald skaut Kennedy til bana í Dallas þann 22. nóvember 1963. Í samtalinu ræða Oswald og Ruby sín í millum um að losa sig við Robert Kennedy þáverandi dómsmálaráðherra með því að myrða bróður hans John en Robert var í herferð gegn mafíunni á þessum tíma.

Samtalið átti sér stað á næturklúbbi í eigu Ruby. Margir hafa haldið því fram að Oswald hafi ekki verið einn á ferð er hann myrti John F. Kennedy heldur hafi verið um samsæri að ræða