Tyra Banks er ekki hin nýja Oprah

Tyra Banks segist ekki vera hin nýja Oprah Winfrey þrátt fyrir að vera með eigin spjallþátt og koma fram í einum vinsælasta sjónvarpsþætti Bandaríkjanna, America´s Next Top Model.

„Í fyrstu þá þoldi ég þetta ekki," sagði Tyra þegar Entertainment Weekly spurði hana um stöðugan samanburð við Oprah. Tyra segir að í upphafi hafi hún grátið sig í svefn vegna þrýstingsins á að vera líkt saman við Tyra. Hún segir þó að ef hún væri hvít þá væri fólk ekki að líkja þeim saman.

Vegsemd Tyra í sjónvarpi hefur aukist mjög að undanförnu því að hún hefur verið að fá þungavigtargesti eins og Barack Obama, Hillary Clinton, John Edwards og Mike Huckabee í þáttinn sinn. Þau hafa eins og kunnugt er öll staðið í ströngu að undanförnu vegna forvals fyrir kosningar í Bandaríkjunum.