Lohan ekki við eina fjölina felld

Þrátt fyrir ítrekaðar áfengismeðferðir hefur Hollywood - stjarnan Lindsay Lohan ekki enn sigrað í baráttunni við Bakkus. Síðasta þriðjudagskvöld gerði hún hosur sínar grænar fyrir Adrian Grenier á skemmtistað í Hollywood. Lohan fækkaði fötum og dró Grenier út á dansgólfið. En þegar fylgdarkona Greniers gerði tilkall til síns manns sneri Lohan sér fljótt að Leo DiCaprio, sem staddur var á sama stað. Að sögn vitna beitti hún öllum trixunum í bókinni til að vinna hug og hjarta Titanic stjörnunnar en varð lítið ágengt. Nærstaddir segja að Lohan hafi neytt dýrindis vodka og kampavíns þetta kvöld.