Jackson boðið 1,7 milljarður fyrir nokkra tónleika

Michael Jackson hefur verið boðið að koma fram á 30 tónleikum á Millenium Dome- leikvanginum í London og fá fyrir það 1,7 milljarð. Þessu heldur Roger Friedman hjá Fox News fram í pistli á vefsíðu Fox News í dag.

Ekki er vitað hvort eitthvað verður af tónleikum Jacksons. Ekki hefur heyrst hósti né stuna úr herbúðum söngvarans um mögulegt tónleikahald á næstunni en næsta útgáfa hans er 25 ára afmælisútgáfa plötunnar Thriller.

Jackson kom síðast fram á tónleikum í Madison Square Garden í New York árið 2001 en hann hefur ekki farið á tónleikaferðalag síðan 1995.

Eitt er þó víst. Hann vantar peninga.