Jennifer og Angelina hittast

Eftir að hafa náð að forðast hvor aðra í þrjú ár munu Jennifer Aniston og Angelina Jolie hittast, í fyrsta sinn frá því Brad Pitt og Jennifer skildu.

Stöllurnar verða, ásamt Brad hinum kvensama, kynnar á forpartýi fyrir Óskarsverðlaunahátíðina á Beverly Hills Hotel þann 23. febrúar. Það var einmitt í sama forpartýi fyrir þremur árum sem Brad og Jennifer sáust síðast saman opinberlega.

Heimildamaður Star tímaritsins spáir vandræðalegu kvöldi. Ef Jennifer ákveði að hætta við að koma líti það illa út fyrir hana, en ef hún ákveði að mæta þurfi hún stáltaugar til að vera nálægt ofurparinu.