Dýraverndaryfirvöld rannsaka hundahald Parisar Hilton

Dýraverndardeild lögreglunnar í Los Angeles skoðuði heimili Parisar Hilton í gær vegna ábendingar um hundana hennar.

Dýraverndunarsamtök höfðu samband við deildina eftir að Paris sagði í sjónvarpsviðtali að hún ætti sautján hunda. Í Kaliforníu mega einungis hundaræktendur hafa fleiri en þrjá hunda á heimili sínu.

Þegar dýraverndarfulltrúarnir komu að heimilinu fundu þeir þó hvorki tangur né tetur af hundunum sautján. Unnið er að endurbótum á húsinu, og dvelja dýrin öll á dýrahótelum.

Þetta eru ekki einu dýravandræðin sem Paris stendur í. Hún fór með kisuna sína til dýralæknis að láta gelda hana á dögunum. Þegar hún svo tveimur vikum síðar var ekki búin að sækja kisu tók ræktandinn hana til baka.