Sterkur jarðskjálfti skekur Grikkland

Jarðskjálfti um 6,5 á Richter skók suðurhluta Pelopsskaga á Grikklandi á hádegi í dag, eða klukkan 10 í morgun að íslenskum tíma. Ekki er vitað um meiðsl á fólki eða skemmdir á byggingum. Íbúar bæjarins Kalamata sögðust hafa fundið fyrir skjálftanum en hann hefði ekki verið eins sterkur og skjálftar sem mælst hafa nýverið.

Bæjarstjórinn í Koroni skammt frá Kalamata sagði Reuters-fréttastofunni að íbúum hefði brugðið. Skjálftinn fannst einnig í höfuðborginni Aþenu og stóð yfir í að minnsta kosti 15 sekúndur.

Í janúar skók jarðskjálfti höfuðborgina. Sá var upp á 5 á Richter og olli hvorki mannskaða né skemmdum á byggingum.