Bobby Brown reynir að pissa á keppanda í raunveruleikaþætti

Whitney Houston virðist vera ný og betri manneskja eftir að hún losaði sig við eiginmanninn, vandræðagemsann Bobby Brown.

Brown gengur aðeins verr. Hip Hopparinn fyrrverandi tekur nú þátt í raunveruleikaþættinum Gone Country á CMT sjónvarpsstöðinni. Þar keppa ýmis fallin smástirni um hver verður næsta stjarnan í kántríheiminum.

Keppendur í þættinum búa allir saman í húsi, og er Bobby Brown líklega ekki vinsælasti herbergisfélaginn. Á dögunum rölti hann í svefni að rúmi annars keppanda, söngvarans Dee Snider, og reyndi að pissa á hann.

,,Hann labbaði í áttina að mér og er búinn að taka djásnin út. Ég hélt fyrst að hann ætlaði að nauðga mér. Svo hugsaði ég: nei, hann ætlar að pissa á mig! Þetta gæti orðið vandamál," sagði Snider í þættinum.

Hann náði að vekja Brown í tæka tíð, og eftir nokkrar tilraunir, og útúrdúr inn í fataskáp fann hann loks skálina.

Myndband af þessari tilraun til þvagláta má sjá hér: