Pete Doherty er blankur eftir árið

Allar þær meðferðir sem Pete Doherty fór í á síðasta ári virðast hafa komið illa við buddu söngvarans. Samkvæmt fréttum í breskum fjölmiðlum þénaði hann aðeins tæp 30.000 pund á síðasta ári eða tæpar 4 milljónir kr.

Samkvæmt því sem Pete hefur áorkað á tónlistarsviðinu ætti hann að vera að þéna fyrstu milljón pundin sín. Hann hefur náð á toppinn með plötu sinni með Libertines og átt sex lög á topp tíu með Babyshambles.

Það sem hann þénaði á síðasta ári, tæp 30.000 pund, duga vart fyrir lögfræðikostnaði hans, hvað þá launum fyrir aðra meðlimi Babyshambles.