Tom Cruise og Cher voru par

Tom Cruise hefur átt vingott við margar fallegustu konur í Hollywood, en sú uppljóstrun að Cher væri ein þeirra vöktu mikla athygli vestanhafs í dag.

Söngkonan staðsfesti í dag sögusagnir um að hún og leikarinn smávaxni hefðu átt í stuttu sambandi um miðja níunda áratuginn. Þó það sé illmögulegt að sjá það á henni er Cher nú rúmlega sextug, en Tom rúmum fimmtán árum yngri en hún.

Cher sagði í viðtali í Good Morning American í morgun að Tom hefði ekki verið genginn í vísindakirkjuna þegar þau rugluðu saman reitum, og hefði einfaldlega verið ,,yndislegasti maður sem þú getur ímyndað þér".