Kirsten Dunst farin í meðferð

Leikkonan Kirsten Dunst er farin í meðferð, og dvelur nú á Cirque Lodge meðferðarheimilinu í Utah. Hún verður ekki ein í heiminum þar, en leikkonan Eva Mendes er einnig í meðferð á sama stað. Þá var Lindsay Lohan í meðferð þar í fyrra, og tvíburinn Mary-Kate Olsen dvaldi þar fyrir þremur árum.

Haft er eftir vini leikkonunnar að hún hafi verið afar langt niðri að undanförnu. Hún hafi djammað allt of mikið um langt skeið og dauði Heaths Ledgers hafi einnig haft mikil áhrif á líðanina.

Dunst vakti athygli fyrir afar einkennilega hegðun eitt kvöldð á Sundance kvikmyndahátíðinni á dögunum. Vinir hennar lýstu því þá sem svo að hún væri á barmi taugaáfalls, og að hún hefði raun aldrei jafnað sig eftir sambandsslit hennar og Jakes Gyllenhaal fyrir rúmum þremur árum.