Ellý Ármanns keppir við Gumma Hrafnkels

World Class efnir til hlaupakeppni í nýja turninum á Smáratorgi í dag á milli klukkan 17.45-18.45. Hlaupið verður upp 15 hæðir til styrktar Fjölsmiðjunni sem er vinnustaður fyrir ungt fólk.

Hlaupakeppnin er haldin í tilefni af því að World Class opnar eftir helgina nýja heilsuræktarstöð á 15. hæð í nýja turninum. World Class og Landsbankinn heita á keppendur, sem margir eru landsþekktir, að hlaupa upp hæðirnar fimmtán og safna fé til styrktar Fjölsmiðjunni.

Keppendur eru:

Jói Fel, bakarameistari

Þorgrímur Þráinsson, rithöfundur

Finnbogi Kristinsson, deildarstjóri í Fjölsmiðjunni

Guðmundur Hrafnkelsson, fyrrum landsliðsmaður í handbolta og starfsmaður Fjölsmiðjunnar

Skoppa og Skrítla

Nína Dögg Filippusdóttir, leikkona

Ellý Ármanns, fyrrum sjónvarpsþula