Eva Mendez í meðferð

Leikkonan Eva Mendes hefur trendinu í Hollywood og skráð sig í meðferð. Samkvæmt heimildum TMZ hefur leikkonan dvalið í nokkrar vikur á meðferðarheimilinu Cirque Lodge í Utah fylki til að reyna að komast yfir eiturlyfjafíkn sína.

Í yfirlýsingu frá talsmanni Mendez segir að hún hafi verið undir miklu álagi undanfarið ár. Hún hafi því tekið þá jákvæðu ákvörðun að hvíla sig og þiggja aðstoð fagmanna við að glíma við persónuleg vandamál.

Fyrstu fréttir af því að Mendez væri farin í meðferð birtust um helgina, og hefði tímasetningin mátt vera betri. Á föstudaginn var tilkynnt um að Calvin Klein hefði ráðið leikkonuna til að vera andlit ilmvatna fyrirtækisins fyrir haustið 2008. Í fréttatilkynningu frá tískurisanum sagði að leikkonan hefði til að bera kynþokkafullan og ögrandi stíl Calvins Klein og að fyrirtækið væri í skýjunum yfir því að hún yrði nýjasta fegurðardrottningin til að kynna vörur þess.