Börn Michaels Jacksons fest á filmu

Sjaldgæfar myndir náðust af börnum Michaels Jacksons á dögunum, þegar hann gleymdi að hylja andlit þeirra í á leiksýningu í Las Vegas. Ekki er víst að myndirnar geri mikið til að draga úr efasemdum um faðerni þeirra, en erfitt er að sjá svip með föður og börnum. Það þarf þó ekki að segja mikið, en eins og frægt er orðið er ekki mikið upprunalegt framan í Michael.

Popparinn hefur í gegnum tíðina haft mikið fyrir því að koma í veg fyrir að börnin hans þekkist, og yfirleitt eru þau hulin frá toppi til táar þegar þau sjást opinberlega. Það er Jackson raunar yfirleitt líka, og var engin undantekning á því í þetta sinn. Söngvarinn hefur gegnum tíðina notað ýmis meðöl til að fela andlitið; arabískan kvenmannsfatnað í Bahrain, stóran hatt, blússu og háa hæla í St Tropez og nú síðast Post-It miða í Las Vegas.

Dulargerfið var á hefðbundari nótum í þetta sinn, stór grænn anorakkur með stórri hettu, stór sólgleraugu og trefill bundinn yfir neðri hluta andlitsins. Búningurinn gerði þó lítið til að fela hver var á ferð, og má telja líklegt að börnin hefðu aldrei þekkst hefði dulargerfið ekki dregið athygli að fjölskyldunni.