Foreldrarnir óska eftir forræði yfir Britney

Jamie og Lynne, foreldar hinnar ógæfusömu Britney Spears mættu fyrir rétti í Los Angeles í dag til að óska eftir forræði yfir henni. Að sögn tímaritsins TMZ eru foreldrarnir einstaklega áhyggjufullir vegna afskipta Sams Lufti, sjálfskipaðs umboðs- og aðstoðarmanns Britney, af högum hennar.

Rétturinn getur gefið Jamie og Lynne heimild til þess að taka ákvarðanir varðandi lyfjameðferð fyrir Britney og að stjórna fjármálum hennar. Bæði Jamie og Lynne halda því fram að afskipti Luftis af Britney hafi slæm áhrif á hana og stefni fjárhag hennar í voða.

Britney Spears var tímabundið svipt sjálfræði í fyrrinótt og flutt á sjúkrahús, eftir að geðlæknir úrskurðaði að hún væri hættuleg sjálfum sér og öðrum. Hún var þá í miklu oflætiskasti og hafði ekki sofið í fimm nætur.