It's my party, and I'll cry if I want to.....

Paris Hilton lenti illa í því á tónleikum 50 Cent í Superbowl Partýi 944 tímaritsins í Arizona í gær.

50 Cent kallaði til Parisar, sem var kynnir kvöldsins, af sviðinu. Hún byrjaði þá að syngja fyrir framan sviðið og ákvað svo að klifra upp á það og taka nokkur vel valin spor.

Rapparinn var ekki hrifinn af þessu og orgaði - í hljóðnemann - að Paris ætti að drulla sér af sviðinu hið snarasta. Henni sárnaði þetta og fór að gráta. 50 Cent brást ekki við harmakvælum hótelerfingjans, sem sneri sér þá að skipuleggjendum partýsins og bað þá um að leyfa sér að dansa á sviðinu. Þegar þeir vildu ekki verða við því grét Paris enn sárar: „En þetta er partýið mitt!".