Tyra Banks með nýjan raunveruleikaþátt

Módelmamman Tyra Banks hefur fer af stað með nýjan raunveruleikaþátt í sumar. Þættinum er lýst sem blöndu af „The Devil Wears Prada" og „The Apprentice.

Í þættinum keppast metnaðargjarnir aðstoðarmenn um að verða aðstoðarritstjórar á tískublaði. Á sama tíma þurfa þeir að sanna sig sem upprennandi tískugúru, þurfa því að hafa til að bera stíl í bílförmum.

Hver þáttur skiptist upp í einstaklings- og hópakeppni, þar sem hver hópur þarf að skila inn síðu fyrir „The Book" ímyndað tímarit þáttarins. Síða tapliðsins endar í ruslinu, og þeir þurfa að senda einn sinna heim, en vinningssíðan fær pláss í blaðinu. Verðlaunin fyrir sigur í þættinum verður svo starf í tískuheiminum.

Framleiðendur þáttarins leita nú að alvöru tískutímariti til að vera með í þættinum, sem fer í tökur í apríl.