Jamie Lynn sukkar á meðgöngunni

Það kippir í kynið hjá Jamie Lynn Spears, en stúlkan þykir hegða sér heldur óskynsamlega - svona allavega miðað við að hún er komin fjóra og hálfan mánuð á leið.

Það mæðir mikið á stúlkunni þessa dagana. Hún er flutt aftur heim til mömmu og áhyggjur yfir því að verða sjálf móðir rétt skriðin yfir fermingaraldurinn, og áhrif þess á vinnuna og sambandið við barnsföðurinn, Casey, taka sinn toll. Streita ku ekki vera að besta fyrir verðandi mæður, en fjölskylda Jamie Lynn hefur þó áhyggjur af öðru.

Jamie litla er ekki mikið fyrir að fara eftir leiðbeiningum mömmu um eðlilega hegðun á meðgöngu, að sögn heimildamanns Life and Style tímaritsins. Hún er úti allar nætur, og grunar fjölskylduna að hún reyki ennþá og drekki.