„Ég þarf engan smokk þar sem ég er reglulega prófaður hjá Chelsea“

Framhjáhaldarinn og bakvörðurinn Ashley Cole sagði við eina af stúlkunum sínum: „Ég þarf ekki smokk vegna þess að við erum reglulega prófaðir hjá Chelsea."

Breska módelið Brooke Healy hefur sagt frá því þegar hún eyddi nótt með knattspyrnukappanum í íbúð vinar hans eftir villt kvöld á djamminu.

„Þegar leikar stóðu sem hæst spurði ég hvort hann væri ekki með smokk þar sem ég var ekki á pillunni," segir stúlkan.

„Hann sagði mér ekki að hafa neinar áhyggjur þar sem hann væri reglulega prófaður hjá Chelsea og væri laus við kynsjúkdóm."

Brooke bætir því við að Ashley hafi verið afslappaður yfir þessum áhyggjum, hann myndi aldrei nota getnaðarvarnir og því væri allt í lagi.

„Ég var orðin kærulaus eftir nokkra drykki svo ég tók bara áhættuna. Sem betur varð ég ekki ólétt - en um tíma var ég nokkuð stressuð yfir að svo væri."

Vísir hefur áður sagt frá framhjáhaldi Cole og hárgreiðslukonunnar ljóshærðu Aimee Walton. En Cole er giftur stúlknasöngkonunni Cheryl Tweedy.

Þegar Aimee fór að hafa áhyggjur yfir hugsanlegri óléttu hittu félagar knattspyrnukappans hana á pöbb og buðu henni peninga fyrir fóstureyðingu.

Brooke segist hafa gengið í gegnum svipaða hluti þegar félagi Ashley hringdi til þess að athuga hvort hún væri ólétt.

Í kjölfarið var henni boðið inn á skrifstofu á klúbbi í London þar sem hún átti að skrifa undir skjal sem sagði hana ekki hafa sofið hjá knattspyrnumanninum. Í staðinn átti hún að fá umslag með 6000 pundum.

Hvorki Cole né Cheryl sáust fyrir utan íbúð þeirra í Oxshott, Surrey í gær.