Michael Jackson snýr aftur

Lýtalækningaáhugamaðurinn og barnavinurinn Michael Jackson ætlar að snúa aftur í sviðsljósið á árinu, með endurgerð af plötu sinni Thriller. „Ég er að koma aftur með óvænt atriði fyrir aðdáendur mína. Ég hef endurupptekið Thriller með fjölda leynigesta", sagði Jackson í myndbandsskilaboðum sem voru flutt á verðlaunaathöfn í Cannes um helgina.

Þá staðfestu heimildamenn Sun tímaritsins að Jackson muni einnig halda endurkomu-tónleika á O2 Arena í London í sumar.

Thriller, sem kom út árið 1982, er söluhæsta plata allra tíma.