Lewis og Christie kosin bestu leikararnir

Það voru Bretarnir Daniel Day Lewis og Julie Christie sem hlutu verðlaunin sem besti leikarinn og besta leikkonan á árlegri verðlaunahátíð Samtaka leikara í Hollywood um helgina.

Þetta er eina hátíðin hingað til sem fengið hefur að fara fram óáreitt í yfirstandandi verkfalli handritahöfunda enda hafa leikarar stutt dyggilega við bakið á handritshöfundunum.

Lewis fékk verðlaunin fyrir leik sinn sem olíuauðjöfur í There Will Be Blood og Christie fyrir túlkun sína sem kona með alzheimer í myndinni Away From Her.