Eftirhermufans hjá Loga

Logi í beinni verður undirlagður af eftirhermum í kvöld. Logi Bergmann fær úrvalalið eftirherma í þáttinn til sín í kvöld, og munu hermikrákur á borð við Hjálmar Hjálmars, Jóhannes Kristjáns, Freyr Eyjólfsson, Jóhann Sigurðsson, Ómar Ragnarsson og fleiri apa eftir landskunnum einstaklingum.

Þátturinn auglýsti á dögunum efnilegum eftirhermum, og munu þær bestu keppa um titilinn eftirherma ársins 2008. „Það verður bikar og alles", segir Logi, sem lofar stórskemmtilegum þætti. „Þetta er eins og íslenska landsliðið, annað hvort heppnast þetta ógeðslega vel, eða verður glatað" segir Logi og hlær.