Tommy fastur í annað sinn - á Reykjanesbraut

Það á ekki af rokkaranum Tommy Lee að ganga. Vél hans var í morgun snúið til Egilsstaða vegna aftakaveðurs í Keflavík. Rétt fyrir hádegi lagði vélin aftur af stað til Keflavíkur, og lenti í þetta skiptið. Vandræðin eru þó ekki búin, en vegna aftakaveðurs í morgun yfirgaf fjöldi fólks fasta bíla sína á Reykjanesbrautinni. Rokkarinn vansvefta hefur því nú setið fastur á Reykjanesbrautinni í hálftíma.

Margeir Ingólfsson, annar skipuleggjenda tónleikanna með Tommy og DJ Aero á NASA í kvöld, segir að rokkarinn sé búinn að vera á ferðinni í rúmlega sólarhring. Hann sé því orðinn ansi þreyttur og hópurinn sé að hugleiða að hvíla sig í Keflavík áður en lengra er haldið. Margeir hefur þó engar áhyggjur af því að partýið í kvöld sé í voða, þetta reddist eins og annað.