Myndbandi af Tom Cruise að lofa Vísindakirkjuna lekið á netið

Fjögurra ára gömlu viðtali við Tom Cruise, þar sem hann ræðir um Vísindakirkjuna, hefur verið lekið á netið. Í níu mínútna löngu myndbandinu fer Cruise mikinn og lofar trúna og fylgjendur hennar í hástert. Hann segir liðsmenn Vísindakirkjunnar alls ekki vera eins og annað fólk. „Þegar þú keyrir framhjá slysi þá er það ekki eins og hjá öllum hinum. Þú veist að þú ert verður að gera eitthvað í málunum, vegna þess að þú ert sá eini sem getur raunverulega hjálpað." sagði Cruise í viðtalinu.

Leikarinn sagði spennandi að vera meðlimur Vísindakirkjunnar. „Það er frábært. Það er ótrúlega skemmtilegt að fara út og berjast og sjá hlutina batna." sagði Cruise, og bætti við: „Við erum þeir sem getum losað fólk við eiturlyfjafíkn. við getum læknað hugann, við getum bætt heiminn..... endurhæft glæpamenn.... við getum fært heiminum frið og sameinað fólk.

Myndbandið má sjá á YouTube.