McConaughey tekur sér frí frá síma, sígarettum og kynlífi

Matthew McConaughey fastar tvisvar á ári til þess að komast í betra samband við sjálfan sig. En það er ekki bara matur sem sem er á bannlista í föstunum. Blackberry síminn, kynlíf og sígarettur fá sömuleiðis að fjúka.

Matt byrjaði að fasta þegar hann var unglingur, og tók sér ársfrí frá skóla til að vinna í Ástralíu. „Það er auðvelt að fá nóg af hlutunum - áfengi, nikótíni, konum, Blackberry símanum, athygli, frægð, að hafa fólk í kringum sig, sjónvarpi og interneti", sagði McConaughey. ,,Föstur eru leið til þess að fjarlægjast þetta, bakka aðeins og minna sig á hvað það er sem maður þarf raunverulega."