Ronaldo kominn með nýja kærustu

Gulldrengurinn Cristiano Ronaldo er kominn með nýja kærustu. Þetta er fjórða sjónvarpsstjarnan sem hann er á föstu með í röð.

Stúlkan heitir Carolina Patrocinio og stjórnar Disney þætti í heimalandi hans Portúgal.

Þau kynntust fyrir um mánuði síðan þegar Ronaldo var að kynna portúgalskan banka þar í landi.

Ronoldo bauð henni síðan í hús sitt í Manchester þar sem þau fögnuðu meðal annars nýja árinu saman.

Strákurinn er greinilega að finna sig vel í nýja sambandinu en hann skoraði þrjú marka Manchester United sem valtaði yfir Newcastle 6:0 í dag.

Var hvert markið glæsilegra hjá kappanum sem hefur skorað 16 mörk í deildinni. Svo virðist vera sem honum líki að skora á öllum vígstöðum.