Brad Pitt á Botoxi og grasi

Einn fegursti maður í heimi ku vera í krísu með útlitið. Að sögn Star tímaritsins hefur Brad Pitt sést í stuttum heimsóknum hjá bestu Botox -sérfræðingum í Hollywood, í þeirri von að endurvinni drengslegt útlit sitt.

Þá mun hann vera að reyna að drekkja sorgum sínum og útlitsáhyggjum með því að stunda glitrandi samkvæmi englaborgarinnar stíft. Á dögunum gekk hann að sögn heimildamanna blaðsins fram af kollegum sínum, þegar hann reykti jónu fyrir allra augum með Jackass-stjörnunni Steve-O. Þann leiða ávana sagðist Pitt hafa lagt á hilluna þegar hann kynntist spúsu sinni, Angelinu Jolie.

„Ég fékk algjört sjokk þegar ég sá hann kveikja í einni feitri. Ef Angelina hefði séð þetta hefði hún brjálast", sagði einn viðstaddra. Tímaritið bendir einnig á að að ellilegra útlit Pitts og aukna líkamsþyngd megi líklega skýra af óstjórnlegum átköstum sem eiga það til að fylgja kannabisneyslu.