Landsliðsmenn með útvarpsþátt

"Það verður mikið um dýrðir, við verðum með sneysafullann pakka," segir Róbert Gunnarsson línumaður íslenska landsliðsins í handbolta sem mun í dag stýra þættinum Mín skoðun sem alla jafna er í umsjá Valtýs Björns á útvarpsstöðinni X-inu 977.

Róberti til halds og trausts verður félagi hans úr landsliðinu Snorri Steinn Guðjónsson. Snorri fer væntanlega létt með þetta verkefni enda er faðir hans, Guðjón "Gaupi" Guðmundsson, einn ástsælasti fjölmiðlamaður landsins. Róbert er hins vegar meira spurningamerki. Hann segist hins vegar engu kvíða fyrir útsendingu dagsins.

"Við munum klóra okkur út úr þessu verkefni sem okkur var falið. Förum létt með það."

Þátturinn verður frá klukkan 12:00 - 14:00 í dag og er hægt að hlusta á hann hér