Christina Aguilera fæðir á morgun

Christina Aguilera mun ef að líkum lætur eignast barn á morgun. Söngkonan pantaði fyrir nokkru keisaraskurð þann tíunda janúar, til að fæða fyrsta barn hennar og eiginmannsins, Jordan Bratman. Kyn barnsins mun ekki koma meira á óvart en dagsetningin, en það mun vera drengur.

Það eru engir níu mánuðir sem söngfuglinn ætlar sér í fæðingarorlof. Aguilera hefur skrifað undir samning um að leika í myndinni Humboldt Park, þar sem hún leikur á móti Katie Holmes, og hefjast tökur á myndinni þegar í febrúar.