PETA hlífir Spears

Dýraverndarsamtökin PETA hafa ákveðið að sjá aum á Britney Spears, og fjarlægja hana frá lista sínum yfir verst klæddu stjörnurnar. Listi PETA nær yfir þær stjörnur sem ganga í loðfeldum. Hinn frægi og illkvittni Mr. Blackwell fjarlægði einnig poppstjörnuna föllnu nýlega af frægum lista sínum yfir verst klædda fólkið.

Spears var efst á lista í könnuninni, þangað til skipuleggjendur ákváðu að taka hana af listanum vegna sjúkrahúsvandræða hennar yfir helgina.

„Í augnablikinu þarf Britney að fá frið - frá öllum. Kannski þegar hún er búin að jafna sig í höfðinu skiptir hún um skoðun um það að ganga í loðfeldum. Ef ekki, munum við halda áfram að kvarta í henni." sagði varaformaður PETA, Dan Mathews í yfirlýsingu frá samtökunum.

Kate Moss situr nú í efsta sæti listans. „Ekkert gerir ofurfyrirsætu að ofurdruslu eins auðveldlega og pels," sagði Mathews.