Sjónvarpsstjóri bauð upp á Bó Lite

Glöggir áhorfendur Stöðvar 2 í kvöld tóku eftir því að það var ekki gullbarki stórsöngvarans Björgvins Halldórssonar sem kynnti inn spennuþáttinn Pressan, heldur hinn geðþekki sjónarpsstjóri Stöðvar 2 Pálmi Guðmundsson.

"Það urðu dagskrárbreytingar hjá okkur með skömmum fyrirvara," útskýrir Pálmi, sem margir muna eftir frá því að hann stýrði sjónvarpsþættinum Popp og kók hér um árið. ´

Hann segir að einfaldlega hafi ekki gefist tími til að fá Björgvin í hús til að kynna hina nýju dagskrá með svo skömumm fyrirvara. Hann hafi því sjálfur neyðst til að feta í fótspor meistarans.

"Þetta var bara létt Bó Lite sem ég tók á þetta," segir Pálmi.