Britney spókar sig með paparassavini sínum

Britney Spears er alveg hætt að reyna að fela nýjasta vin sin - paparassann Adnan Ghalib.

Britney er ekkert óvön því að eyða flestum vökustundum sínum með her paparassa í eftirdragi. Það kom þó mörgum á óvart þegar hún hoppaði skömmu fyrir jól upp í bíl hjá Adnan og skráði sig svo inn á fimm stjörnu lúxushótel með honum.

Parið hefur varið miklum tíma saman undanfarið, og paparassinn því skyndilega orðinn viðfangsefni fyrrverandi kollega sinna.

Heimildamenn slúðurpressunnar vestanhafs segja að samskipti parsins hafi öll verið á platónsku nótunum, en Adnan er harðgiftur. Hann sagði í samtali við sjónvarpsþáttinn 20/20 á ABC sjónvarpsstöðinni að honum fyndist Britney frábær, og það að hann hefði þénað um 12 milljónir á ári fyrir það að eltast við stjörnuna og mynda hana.