Bjöguð byrjun á brúðkaupsferð Katherine Heigl

Brúðkaup Gray's Anatomy stjörnunnar Katherine Heigl og Josh Kelley á að sögn viðstaddra að hafa verið afar fagurt og vel hepppnað, en brúðkaupsferð þeirra hjóna byrjaði ekki jafn vel.

Þegar parið ástfangna var komið á flugvöllinn á leið til Cabo í Mexíkó uppgötvaðist að leikkonan hafði gleymt vegabréfinu sínu, og þurftu þau því að breyta öllum ferðaplönum sínum, að sögn heimildamanns People tímaritsins.

Ástandið batnaði þó þegar á staðinn var komið, þar sem Kelly spilaði golf meðan Heigl sólaði sig. Um síðustu helgi sást svo til parsins á laugarbakkanum, þar sem Kelly söng lög af tilvonandi plötu sinni fyrir sína heittelskuðu.