Tarantino í hettupeysu á nýársfagnaði

Bandaríski kvikmyndaleikstjórinn Quentin Tarantino heiðraði gesti á nýársfagnaði á Hótel Loftleiðum með nærveru sinni ásamt vinum sínum Eli Roth og Eyþóri Guðjónssyni.

Athygli vakti að á meðan allir gesti mættu í sínu fínasta pússi þá var Tarantino í grárri hettupeysu með vínrauðum ermum.

Tarantino lék við hvurn sinn fingur á fagnaðinum, reitti af sér brandara og ræddi lengi við kollega sinn Baltasar Kormák.

Höfðu gestir á Hótel Loftleiðum það á orði að hugtakið „dress to impress“ næði ekki til Tarantino.